نوئیڈا: قومی پوشن ماہ میں اتر پردیش کے نوئیڈا گوتم بدھ نگر ضلع کو پانچ اور آنگن واڑی مراکز ملے ہیں Anganwadi Centers Were Opened in Noida۔ اب آنگن واڑی مراکز کی تعداد بڑھ کر 1113 ہو گئی ہے۔ ان نئے آنگن واڑی مراکز کا افتتاح کیا گیا۔ وزیر اعلی یوگی آدتیہ ناتھ نے لوک بھون، لکھنؤ سے ریاست بھر میں بنائے گئے تمام نئے مراکز کا آن لائن افتتاح کیا، جب کہ ضلع میں جیور کے ایم ایل اے دھیریندر سنگھ نے اس کا فزیکلی طور پر افتتاح کیا۔ CM Yogi launches 700 Anganwadi Centres
ترقیاتی بلاک جیور کے جیور بنگر میں پانچ آنگن واڑی مراکز تعمیر کیے گئے ہیں۔ دھیریندر سنگھ نے پروگرام میں موجود لوگوں کو ریاستی حکومت کی طرف سے چلائی جارہی فلاحی اسکیموں کے بارے میں جانکاری دی۔ انہوں نے کہاکہ وزیر اعلی یوگی آدتیہ ناتھ کی قیادت میں ریاستی حکومت 2017 میں لی گئی قراردادوں کو حقیقت بنانے کے لیے پرعزم ہے۔ انہوں نے بتایاکہ بہت جلد جیور علاقے میں صحت اور طبی مرکز قائم کیے جائیں گے، جہاں کئی بیماریوں کا آسان علاج دستیاب ہوگا۔'
انہوں نے غذائیت کی مہم اور قوم کی تعمیر میں آنگن واڑی کارکنوں کے کردار کی تعریف کی اور وہاں موجود لوگوں سے اپیل کی کہ وہ غذائی قلت کے خاتمے کی مہم میں اپنا حصہ ڈالیں۔ انہوں نے غذائیت کی اہمیت کو بیان کرتے ہوئے اس میں مادر کے تعاون کو سراہا اور انہیں سلام پیش کیا۔ اس موقع پر بلاک چیف منی دیوی، چیف ڈیولپمنٹ آفیسر تیج پرتاپ مشرا، ایس ڈی ایم جیور رجنی کانت، ڈسٹرکٹ پروگرام آفیسر پونم تیواری، بلاک ڈیولپمنٹ آفیسر ہنومان پرساد مشرا موجود تھے۔
مزید پڑھیں:
