ریاست اترپردیش کے ضلع رامپور میں پولیس نے بڑی کارروائی کرتے ہوئے بڑے ڈرگ مافیا گینگ کو گرفتار کیا ہے، جن کے قبضہ سے تقریباً 5 کروڑ کی نشیلی دوائیاں برآمد ہوئی ہیں۔
رامپور میں پولیس نے نشیلی دوائیوں کا کاروبار کرنے والے ایک ایسے گروہ کا پردہ فاش کیا ہے جو ریاست میں نشیلی دوائیوں کا غیر قانونی طور پر ویاپار کر رہے تھے۔
پولیس کپتان انکت متل نے میڈیا کے نمائندوں کو جانکاری دیتے ہوئے بتایا کہ 'رامپور کے تھانہ شہزاد نگر کی پولیس نے تقریباً 5 کروڑ کی نشیلی دوائیاں برآمد کی ہیں اور ان دوائیوں کا ویاپار کرنے والے سرغنا ستیش گپتا سمیت 11 ملزمان کو گرفتار کیا ہے۔'
یہ بھی پڑھیں: سہارنپور: منشیات فروشی کے الزام میں خاتون سمیت چار گرفتار
گرفتار ملزم ستیش گپتا نے پوچھ گچھ کے دوران بتایا کہ 'میں یہ نشیلی دوائیاں چوری چھپے بسوں سے ضلع آگرہ سے ششانک میڈیکل ایجنسی فوارہ چوک کوتوالی شہر سے اپنے نشیلی دواؤں کے ساتھی کے ساتھ ملکر منصوبہ بند طریقہ سے میڈیکل اسٹور کی آڑ میں دھوکہ دھڑی سے منگاتے تھے۔'
ملزم نے بتایا کہ 'ہم سب مل کر ان نشیلی دوائیوں کی خرید وفروخت کرکے منافع کماتے تھے۔' پولیس کپتان انکت متل نے بتایا کہ 'ان تمام ملزمان کے خلاف قانونی کارروائی کی جا رہی ہے۔'
