مظفرنگر میں کوروناوائرس کی وجہ سے پہلی موت

ریاست سمیت ملک بھر میں کوروناوائرس سے ہلاکتوں کا سلسلہ جاری ہے اسی ضمن میں مظفر نگر میں اس وبا کی وجہ سے پہلی موت کا معاملہ سامنے آیا ہے۔

ریاست اترپردیش کے ضلع مظفر نگر میں کورونا وائرس پھیلنے کے سبب 83 سالہ بزرگ خاتون کی موت ہوگئی ہے۔

خیال رہے کہ کل کوروناوائرس کے چھ مثبت کیس کی رپورٹ آئی تھی، جس میں سے پانچ قرنطین مرکز میں قرنطین کیے گئے۔

اس کے بعد مظفرنگر شہر کوتوالی کے علاقے میں محلہ رام پورم کی رہائشی ایک 83 برس کے بزرگ خاتون کی رپورٹ کورونا مثبت آئی تھی۔

بزرگ خاتون کی بڑھاپے کی وجہ سے ضلع انتظامیہ نے اسے علاج کے لیے ضلع میرٹھ ریفر کردیا تھا، جہاں بزرگ خاتون میرٹھ میڈیکل کالج میں زیر علاج تھیں۔

اس خاتون کا آج انتقال ہوگیا ہے، تاہم بزرگ خاتون کے لواحقین اور ضلع انتظامیہ نے اس کی تصدیق بھی کی ہے۔