فیروزآباد:اترپردیش کے فیروزآباد کے دیہات پولیس سپرنٹنڈنٹ رنوجے سنگھ نے آج یہ اطلاع دیتے ہوئے بتایا ہے کہ شکوہ آباد کے محلہ سبھاش نگر میں 22 نومبر کو کے ایک گھر میں سنیل کمار نامی نوجوان کا گلا دبا کر قتل کیا گیا تھا اور لاش برآمد کی گئی تھی۔Firozabad Police Solve Sunil Murder Case Today
متعلقہ معاملہ میں نامعلوم افراد کے خلاف مقدمہ درج کرکے تفتیش تھانے کے پولس انسپکٹر نے کی۔ معاملے کی تہہ تک پہنچنے کے لئے پولیس کی چار ٹیمیں تشکیل دی گئی تھیں۔ تحقیقات کے بعد غیر قانونی تعلقات کا معاملہ سامنے آیا ہے۔ اس معاملے میں پولیس نے ضلع کے ہی اکا تھانہ کے رہنے والے یشپال کو گرفتار کیا ہے۔
گرفتار ملزم نے تفتیش کے درمیان قبول کیا کہ اس کی بیوی پرمتوفی سنیل غلط نظر رکھتا تھا۔ اس کے علاوہ اس کی سالی سے بھی ناجائز تعلقات تھے۔ کئی بار سمجھانے کے بعد بھی وہ نہ مانا تو اس نے اپنے سالے ہزاری اور سالی دیا کے ساتھ مل کر اسے قتل کرنے کا منصوبہ بنایا۔ یشپال جے پور میں رہتا ہے جے پور سے آنے کے بعد سنیل کے کمرے میں پہنچااور ہزاری اور دیا کے ساتھ مل کر چاقو سے اس کا گلا کاٹ کر قتل کر دیا۔
یہ بھی پڑھیں:Old Man Beaten To Death علی گڑھ میں بزرگ کا لاٹھی اور ڈنڈوں سے پیٹ پیٹ کر قتل
پولیس نے قاتل کے کہنے پر قتل میں استعمال ہونے والا چاقو اور مقتول کا موبائل برآمد کر لیا ہے۔ گرفتار یشپال کو قانونی کارروائی کے بعد جیل بھیج دیا گیا ہے اور پولیس فرار ہزاری اور دیا کی گرفتاری کے لیے دبش دے رہی ہے۔Firozabad Police Solve Sunil Murder Case Today
