فیروزآباد: اترپردیش کے ضلع فیروزآباد کے شکو آباد علاقے میں دوست کی شادی کی خوشی میں فائرنگ کرنے والے پانچ افراد کو پولیس نے بدھ کو گرفتار کر لیا۔ پولیس ذرائع نے بتایا کہ تین دسمبر کو ہوئی ایک شادی تقریب میں زبردست فائرنگ کی ویڈیو سوشل میڈیا پر وائرل ہوئی تھی جس کا نوٹس لے کر پولیس نے کارروائی کرتے ہوئے پانچ افراد کو گرفتار کیا ہے۔ firing Video in marriage ceremony in Firozabad
انہوں نے بتایا کہ سوشل میڈیا پر وائرل ویڈیو کی جانچ کے بعد پولیس ٹیم نے بدھ کو ابھیجیت، مہندر،ویٹو، ابھئے اور ومل کو گرفتار کرلیا۔ گرفتار افراد نے بتایا کہ انہوں نے اپنے دوست شیوپرتاپ کی شادی کی خوش میں فائرنگ کی تھی۔پولیس نے ان کے قبضے سے دو رائفل ، ایک بندوق کےعلاوہ کثیر مقدارمیں خالی کارتوس اور بھرے کارتوس بھی برآمد کئے گئے ہیں۔گرفتار ملزمین کے خلاف آگے کی کاروائی کی جارہی ہے۔
یہ بھی پڑھیں: Pistol Firing In Marriage Ceremony شادی کی تقریب میں لائنس پستول سے فائرنگ کرنے کے الزام میں سرینگر کا رہائشی گرفتار
یو این آئی
