کنیکا کے خلاف ایف آئی آر درج، ہوٹل تاج بھی بند

لکھنئو کے ڈی ایم ابھیشیک پرکاش نے ہوٹل تاج کو بند کرنے کا حکم دیا۔ اس ہوٹل کی پارٹی میں کنیکا کپور شامل میں ہوئی تھیں۔ ان کے خلاف ٹریول ہسٹری چھپا کر لکھنؤ میں کئی پارٹیوں میں شامل ہونے پر ان کے خلاف ایف آئی آر درج کر لی گئی ہے۔

لکھنئو ضلع انتظامیہ نے بڑا قدم اٹھاتے ہوئے ہوٹل تاج کوعارضی طور پراگلے حکم تک بند کر دیا ہے۔ غورطلب ہے کہ گلوکارہ کنیکا کپور ہوٹل تاج کی پارٹی میں شامل ہوئی تھیں۔ کنیکا کپور کورونا وائرس مثبت پائی گئی ہیں۔

ڈی ایم کا یہ حکم فوری طور سے عمل میں آئے گا۔

بتا دیں کہ کنیکا کپور کے خلاف آئی پی سی کی دفعہ 269،182، 270 کے تحت ایف آئی آر درج کی گئی ہے۔

کنیکا کپور کے خلاف ایمرجنسی حالات میں اپنی بیماری چھپانے اور لاپرواہی برتنے کو لیکر ایف آئی آر درج کی گئی ہے۔