فیروزآباد: سڑک حادثے میں پانچ افراد کی موت، متعدد زخمی

اترپردیش کے فیروزآباد میں سڑک حادثہ پیش آیا ہے جس میں پانچ افراد کی موت ہوگئی ہے جب کہ کئی افراد زخمی ہیں۔

اترپردیش کے فیروزآباد ضلع کے نگلا کھنگر علاقے میں آگرہ لکھنؤ ایکسپریس وے پر کھڑی بس میں ڈی سی ایم نے زوردار ٹکر مار دی، جس میں پانچ لوگوں کی موت ہوگئی۔ وہیں دو افراد دوبُری طرح زخمی ہوگئے ہیں۔ جنہیں اسپتال میں بھرتی کرایا گیا ہے۔

حادثے میں ڈی سی ایم ڈرائیور ریشما تھاپا، نائب ڈرائیور آنند، بس ڈرائیور رام سیوک کی موت ہوگئی۔ اس کے علاوہ دو دیگر بھی حادثے میں موت کی نیند سو گئے۔ اس طرح حادثے میں پانچ لوگوں کی موت ہوگئی جب کہ دو مسافروں کی حالت نازک بنی ہوئی ہے۔

ایس پی دیہات ڈاکٹر اکھلیش نرائن نے بتایا کہ سبھی مرنے والوں کی لاشوں کو پوسٹ مارٹم کے لئے ضلع ہسپتال بھیج دیا گیا ہے۔ سڑک پر آمد و رفت بحال کردی گئی ہے۔

اترپردیش کے وزیراعلیٰ یوگی آدتیہ ناتھ نے حادثہ پر افسوس کا اظہار کرتے ہوئے جائے وقوع پر افسران کو پہنچ کر زخمیوں کی مدد کرنے کی ہدایت دی ہے۔