ریاست اترپردیش کے شہر نوئیڈا میں چین اسنیچر لوٹ کی زنجیروں کو ملزمین سنار کیلاش اور وید پرکاش کو فروخت کرتے تھے جو ان زنجیروں کو گلا کر فروخت کر دیتے تھے۔
گذشتہ روز سیکٹر 24 پولیس نے اڈوب چوراہا سے مورنا کی طرف جانے والی شاہراہ پر تصادم کے بعد دو بدمعاش منو عرف راہل عرف روہت اور انیل عرف انو کو گرفتار کیا ہے۔
یہ بھی پڑھیں: اے ایم یو قیام کے سو سال مکمل
ملزم مونو عرف راہل عرف روہت بین ریاستی لٹیرا ہے جو این سی آر اور حیدرآباد (تلنگانہ) میں چین اسنیچنگ (زنجیر جھپٹ ماری) کی بہت ساری وارداتوں کو انجام دے چکا ہے۔ حیدرآباد کے مختلف تھانوں میں اس کے خلاف چین لوٹنے کے 11 مقدمات درج ہیں۔ ان وارداتوں میں سنار کیلاش بھی ملوث رہا ہے۔
سنار کیلاش بھی ملزم مونو کے ساتھ حیدرآباد گیا تھا۔ مونو کو حیدرآباد پولیس نے گرفتار کرلیا تھا۔ وہیں، سنار کیلاش فرار ہونے میں کامیاب ہوگیا تھا۔
پولیس نے پکڑے گئے ملزمین کو تفتیش کے بعد جیل بھیج دیا ہے۔
