نوئیڈا: جرائم کے معاملات میں تیزی سے اضافہ

نوئیڈا میں جرائم کے معاملات میں تیزی سے اضافہ ہورہا ہے، ہر روز لوٹ کے نئے نئے معاملات پیش آرہے ہیں۔

دہلی سے متصل نوئیڈا میں انتظامیہ کی جانب سے تمام تر اقدامات کے باوجود جرائم کے معاملات میں تیزی سے اضافہ ہورہا ہے۔

اطلاعات کے مطابق گزشتہ روز نوئیڈا کے سیکٹر 39 میں کلیکشن ایجنٹ سے شرپسندوں نے پندرہ لاکھ روپے لوٹ لیے، وہیں چہل قدمی کے لئے نکلے بی جے پی کے مقامی رہنما اور ایک وکیل سے بھی لٹیروں نے سونے کی چین چھین لی۔ جس سے عوام دہشت میں ہیں۔

لوٹ کی بڑھتے واردات اور سیکٹر 39 کے ایس ایچ او کی لاپروائی کو دیکھتے ہوئے ضلع انتظامیہ نے ایس ایچ او آزاد تومر کو آج معطل کردیا ہے۔