ریاست اترپردیش کے ضلع بارہ بنکی کے گنا دفتر میں کسان مہا پنچایت میں ہزاروں کی تعداد میں کسان اکٹھا ہوئے۔ اس دوران کسانوں نے نعرے بازی کی۔
کسان یونین کے کارکنان کا الزام ہے کہ 'گزشتہ برس سے لے کر اب تک متعدد میمورنڈم دیے جا چکے ہیں لیکن اس کے باوجود انتظامیہ نے کوئی کارروائی نہیں کی ہے، نہ ہی اس پر کوئی گفتگو کی ہے۔ کسان یونین کے کارکنان نے گھنٹوں تک مظاہرہ کیا، بعد میں ایس ڈی ایم اور سی او نے آکر بات چیت کی۔'
کسان یونین نے گنا دفتر میں مہا پنچایت کی اور مزید نعرہ بازی بھی کی
بات چیت کے دوران کسان یونین کارکنان نے انتظامیہ کو 17 فروری تک کا وقت دیا ہے، کسانوں کا کہنا ہے کہ اگر 17 فروری تک کاروائی نہیں ہوئی تو بڑا مظاہرہ کیا جائے گا۔
