اس موقع پر یونین کے قومی جنرل سکریٹری بیگراج گجر نے کہا کہ چین نے ہمارے 20 غیر مسلح فوجیوں کو دھوکہ سے مار دیا اور تقریباً 60-70 فوجیوں کو زخمی کردیا ہے۔ ہم اس کارروائی کی پرزور الفاظ میں مذمت کرتے ہیں اور بھارتی حکومت سے مطالبہ کرتے ہیں کہ چین کے خلاف سخت کارروائی کی جائے اور بدلہ لیا جائے۔
چینی کمپنیوں کے تمام معاہدوں کو ختم کیا جائے۔ انہوں نے کارکنوں سے مطالبہ کیا کہ وہ کسی بھی قیمت پر چین کا سامان نہ خریدیں اور ہر ایک کو اس حوالے سے بیدار بھی کریں۔
ریاستی جنرل سکریٹری بی سی پردھان نے کہا کہ اتر پردیش کے تمام کارکنوں نے عہد لیا ہے کہ کوئی کسان چین کا سامان کسی قیمت پر نہیں خریدے گا اور پوری ریاست میں ایک بیداری مہم چلائی جائے گی۔ لیکن حکومت کو بھی چاہئے کہ وہ چین کے ساتھ اپنے تمام معاہدوں کو منسوخ کرے اور اپنی ذمہ داری پوری کرے اور مزید نئے معاہدے نہ کرے۔اس موقع پر کالو پنڈت، رئیس الدین ، دلشاد خان، پروین چوہدری، سریندر بنسل وغیرہ بھی موجود تھے۔
