بارہ بنکی: کسانوں کے احتجاج کے پیش نظر پولیس مستعد

بارہ بنکی میں یوم جمہوریہ کے موقع پر کسانوں کی جانب سے احتجاج کے اعلان کے بعد ضلع انتظامیہ مکمل طور پر مستعد ہے تاکہ کسی بھی قسم کی واردات پیش نہ آئے۔

ریاست اترپردیش کے ضلع بارہ بنکی میں یوم جمہوریہ کے موقع پر کسانوں کی جانب سے کئے گئے احتجاج کے اعلان کے پیش نظر پولیس انتظامیہ مکمل طور پر مستعد ہے۔

اس دوران انتظامیہ کی جانب سے واضح طور پر کہا گیا ہے کہ یوم جمہوریہ پر کسی بھی قسم کے تقریب کا اہتمام نہیں کیا جائے گا جس سے کورونا کیسز میں اضافہ ہو۔

وہیں بارہ بنکی کے پولیس سپریٹینڈنٹ یمونا پرساد نے بتایا کہ یوم جمہوریہ کے موقع پر کسان اور سیاسی جماعتوں کے مشترکہ احتجاج کے پیش نظر کسی بھی قسم کے واردات نہ ہو، اس کے لئے تمام ریلوے اسٹیشن، بس اسٹاپ، ہوٹل، ڈھابے اور سرائیں میں خصوصی مہم چلائی جارہی ہے۔

انہوں نے بتایا کہ ضلع کے حساس علاقوں میں ڈرون کیمروں سے نگرانی کی جا رہی ہے۔ اور کسان تنظیموں کے رہنماؤں سے گفتگو بھی کی جا رہی ہے۔ بارہ بنکی شہر دفعہ 144 نافذ ہے۔ جس کی جانکاری کسانوں کو دے دی گئی ہے تاکہ کسانوں کی جانب سے کوئی بھی ایسی تقریب کا اہتمام نہیں کیا جائے جس سے کورونا کے معاملے میں اضافہ ہوں۔ یا ضلع کا نظم و نسق خراب ہوں۔