ریاست اتر پردیش کے مرادآباد میں ضلع مرادآباد کانگریس یونٹ نے ڈی ایم کے ذریعہ گورنر کے نام ایک میمورنڈم دیا، جس میں تینوں کسان مخالف بلوں کو واپس لیے جانے کا مطالبہ کیا گیا ہے۔
صحافیوں سے بات کرتے ہوئے ضلع مرادآباد کے کانگریس صدر ونود گمبر نے بتایا کہ تینوں کسان مخالف بلوں کافی وقت سے ملک بھر کے کسان احتجاج کررہے ہیں ، لیکن مرکزی و ریاستی حکومت نے بل کو واپس لینے کا کوئی فیصلہ نہیں لیا ہے۔
مرادآباد میں کسان بل کے خلاف احتجاج
انہوں نے کہا کہ کانگریس پارٹی ملک بھر کے کسانوں کے ساتھ ہے، اس بل کی وجہ سے مہنگائی میں اضافہ ہوگا اور بڑے پیمانے پر بدعنوانی بھی ہوگی۔ اسی لیے جب تک یہ بل واپس نہیں لیا جائے گا، تب تک ہم احتجاج کرتے رہیں گے۔ کانگریس پارٹی کا ہر رکن اور ہر عہدے دار کسانوں کے ساتھ قدم سے قدم ملاکر کھڑا ہے ۔
