میرٹھ: بھارت بند کا اثر، کسانوں نے کیا چکہ جام

نئے ذرعی قوانین کے خلاف بھارتیہ کسان یونین کے بھارت بند کا اثر میرٹھ میں بھی دیکھنے کو ملا۔

اترپردیش کے شہر میرٹھ میں دہلی۔دہرادون نیشنل ہائی وے پر بھارتیہ کسان یونین کے کارکنان نے تقریباً 4 گھنٹوں تک روڈ جام کیا جس کی وجہ سے سواریوں کی آمد و رفت متاثر ہوئی۔

بھارتیہ کسان یونین کے کارکنان نے این ایچ 58 پر پوری طرح قبضہ کر کے نعرے بازی کی۔

ذرعی قوانین کے خلاف بھارتیہ کسان یونین کا احتجاج

کسانوں کا کہنا تھا کہ 'چاہے جتنا بھی وقت لگ جائے وہ پیچھے نہیں ہٹیں گے اور 2022 میں اترپردیش اسمبلی انتخابات اور 2024 کے پارلیمانی انتخابات میں بی جے پی کو اقتدار سے بے دخل کریں گے۔