سہارنپور: دھان خرید سینٹر پر ہو رہا ہے کاشتکاروں کا استحصال

ریاست اترپردیش کے ضلع سہارنپور میں دھان خرید سینٹر پر کاشتکاروں کو اپنے دھان فروخت کرنے کے لیے پریشانیوں کا سامنا کرنا پڑ رہا ہے۔ ایف سی آئی نے سہارنپور کی سبزی منڈی میں خریداری کا سینٹر بنایا ہے، لیکن یہاں کاشتکاروں کا استحصال کیا جارہا ہے۔ یہاں لائے جارہے دھانوں میں خامیاں نکال کر انہیں ریجیکٹ کردیا جا رہا ہے۔

کاشتکاروں نے بتایا کہ، ' دھان خرید سینٹر پر کچھ پرائیویٹ لوگ کھڑے ہوئے ہیں، وہ ان کے دھان کو چیک کر ریجکٹ کر دیتے ہیں، جس کے بعد ان کی فصلوں کو نہیں خریدا جاتا ہے۔'

انہوں نے مزید بتایا کہ، ' اس مرکز پر روزانہ 350 کوئنٹل دھان کی خریداری کا ہدف رکھا گیا ہے، لیکن یہاں پر 100 کوئنٹل سے زیادہ دھان کی خریداری نہیں کی جارہی ہے۔'

کشتکاروں کا مطالبہ ہے کہ ان کی جتنا بھی اناج فروخت کرنے کے لیے لایا جائے، سبھی ٹرالی کو خریدا جائے۔

یہاں کسانوں کے لئے پینے کے پانی اور بیٹھنے تک کا کوئی انتظام نہیں ہے، کسان بہت پریشان ہے۔

کسانوں نے مطالبہ کیا ہے کہ اس مرکز پر 2 کانٹوں کے بجائے 3 کانٹے لگائے جائیں اور صحیح افسر یہاں دھان کی جانچ کرے۔