اترپردیش کے مہوبہ کے کلپہاڑ کے بورا گاؤں کا 42 سالہ کسان سکھ سنگھ کا کھیت میں درخت سے لٹکتی ہوئی لاش ملی ۔وہ کل رات سے غائب تھے۔
موقع پر پہنچی پولیس نے لاش پوسٹ مارٹم کے لیے بھیج دی ہے ۔
پولیس کے مطابق اس نے کھیتی کے لیے الہ آباد بینک سے ایک لاکھ روپئے قرض لیے تھے ۔برسوں سے قدرتی آفات میں فصل خراب ہونے کی وجہ سے وہ قرض ادانہیں کر پایا تھا۔
وہ مالی تنگی سے گزر رہاتھا۔کسان کی بیوی رام دیوی اور بچے دلی میں مزدوری کرتے ہیں ۔تہوار کے موقع پر ان دنوں وہ گھر آئے تھے ۔