ریاست اترپردیش کے بجنور ضلع کے تھانہ نہٹور کے کھیڑی جٹ علاقے میں گزشتہ رات بزرگ کسان رام پال کی چار پائی پر خون سے لت پت لاش ملی ہے۔ چارپائی کے پاس بھاری بھرکم لوہے کا ہتھوڑا بھی خون سے تر ملا ہے۔
بجنور میں کسان کا مبینہ قتل
نامعلوم بدمعاشوں نے کسان کے سر پر وار کرکے واردات کو انجام دیا۔ مرنے والے کے بیٹے ستیہ ویر کا کہنا ہے کہ 'جب وہ صبح کھانا دینے آئے تو والد کی خون میں لت پت لاش کو دیکھ کر خوف کھا گئے۔ جس کے بعد انہوں نے پولیس کو فوری فون کرکے واقعہ کی اطلاع دی۔
ستیہ ویر نے اپنے ہی رشتے داروں پر باپ کو جان سے مارنے کا شُبہ ظاہر کیا ہے۔
فی الحال پولیس کے افسروں نے موقعے واردات پر جاکر لاش کو قبضے میں لے کر پوسٹ مارٹم کے لئے لیے روانہ کردیا ہے۔ پولیس پورے معاملے کی تفتیش میں جٹ گئی۔
