حال ہی میں ہولی پر 'دا وائر' کی اینکر عارفہ خانم کو ٹویٹ کرنا مہنگا پڑگیا۔ دراصل ایک پروگرام میں پہنچیں عارفہ خانم کی اے ایم یو کے طلباء نے مخالفت کی جس کے بعد ان کو پروگرام میں شرکت کیے بغیر واپس لوٹنا پڑا۔
انہوں نے ٹویٹر پر ہولی کھیلتے ہوئے لکھا کہ "ہولی کھیلوں گی کہہ کر بسم اللہ" جس پر ان کی شدید مخالفت کی گئی تھی۔
اس سے پہلے بھی وہ کئی بار اپنے بیانوں سے تنازع پیدا کر چکی ہیں جس سے اے ایم یو کے طلبا ناراض ہیں۔
ویمنس کالج طلبا یونین کی جانب سے لیڈر شپ پروگرام کا انعقاد کیا گیا تھا جس میں دیگر مہمانوں کے ساتھ عارفہ خانم کا بھی نام بھی شامل تھا۔
اس پروگرام میں عارفہ خانم کا نام دیکھنے کے بعد کئی دنوں سے اسٹوڈنٹ عارفہ خانم کی مخالفت کر رہے ہیں۔
حمزہ سفیان نے طلباء کے ساتھ پروگرام کی جگہ پر پہنچ کر کہا کیا ہمیں اس پروگرام سے کوئی پریشانی نہیں ہے، ہم مستقبل میں بھی اسلام پر غلط بیان بازی کرنے والوں کی مخالفت کریں گے۔
