حیدرآباد کے رکن پارلیمنٹ اسدالدین اویسی نے اترپردیش کی یوگی حکومت پر سخت تنقید کرتے ہوئے کہا کہ ’شہر کیا، شاعر کیا، اترپردیش میں وزیراعلیٰ یوگی ادتیہ ناتھ سب کے نام بدل رہے ہیں۔
اسدالدین اویسی کا یہ بیان اس وقت سامنے آیا جب اکبر الہ آبادی جیسے سرکردہ شاعر کا نام بدل کر اکبر پریاگ راجی کردیا گیا ہے۔
انہوں نے اس امید کا بھی اظہار کیا کہ فراق گورکھپوری کی ایسی توہین نہیں کی جائے گی۔ اسدالدین اویسی نے یوگی حکومت کی جانب سے ناموں کی تبدیلی کے ساتھ زبان سے متعلق تعصب پر بھی افسوس کا اظہار کیا
یہ بھی پڑھیں:
Public Opinion on UP Election: ’بی جے پی نے صرف نام تبدیل کرنے کا کام کیا ہے‘
اترپردیش حکومت کی ایک ویب سائٹ پر یہ بتایا گیا ہے کہ پریاگ راج شہر اپنی تہذیب کےلیے مشہور ہے۔ پریاگ راج، اترپردیش کی تہذیبی راجدھانی کی حیثیت سے جانا جاتا ہے۔ اس ویب سائٹ پر صرف ہندی لٹریچر اور ہندی شعرا سے متعلق تفصیلات فراہم کی گئیں۔ وبی سائٹ پر مزید لکھا گیا کہ پریاگ راج میں ہندی ادب کے ساتھ ساتھ فارسی اور اردو ادب پر بھی کام ہوا ہے۔ اس کی مثال اردو کے مشہور شاعر اکبر پریاگ راجی، تیغ پریاگ راجی، راشد پریاگ راجی ہیں۔
