لکھنؤ: ای ٹی وی بھارت نے لکھنؤ کے حضرت گنج میں واقع رتن اسکوائر پر پاسپورٹ دفتر پر گراؤنڈ زیرو سے اس کی حقیت جاننے کی کوشش کی جہاں پر سینکڑوں دلال باہر کھڑے ہو کر عوام کو ٹھگ رہے ہیں۔ کیمرہ پر کسی نے بات نہیں کی تاہم آف کیمرہ سبھی سرکاری فیس سے دوگنی رقم لیکر فوری پاسپورٹ بنوانے کا دعوی کررہے تھے۔
ای ٹی وی بھارت نے لکھنو کے گومتی نگر میں پاسپورٹ محکمہ میں پبلک ریلیشن آفیسر سے ان دلالوں کے خلاف کارروائی کرنے کا سوال کیا۔ آفیسر سندیپ نے کہا کہ یہ درست ہے کہ پاسپورٹ آفس کے باہر دلالوں کی بڑی تعداد موجود رہتی ہے۔ جب ہم بھی کسی دفتر پر جاتے ہیں تو دلال گھیر لیتے ہیں۔ ان کے خلاف کارروائی کرنے کے لئے محکمہ کے اعلی افسران نے یوپی کے ڈی جی پی سے بھی ملاقات کی، تاہم کوئی نتیجہ سامنے نہیں آیا۔
انہوں نے سبھی سے اپیل کی ہے کہ جو بھی پاسپورٹ کے لئے درخواست دے رہا ہے، وہ محکمہ کے ویب سائٹ پر معلومات حاصل کرکے خود درخواست دے یا حکومت سے منظور شدہ جن واڑی کیندر سے اپلائی کرے۔ لاگ ان کا پاس ورڈ اور آئی ڈی اپنے پاس رکھے ۔کسی بھی دلال کے بہکاوے میں نہ آئے اور نہ ہی بےجا رقم دے جو بھی فیس ہے وہ ان لائن جمع ہوتی ہے۔
یہ بھی پڑھیں:Youth Dies During CISF Recruitment سی آئی ایس ایف بھرتی کے دوران تیز دھوپ میں امیدوار بیہوش، ایک کی موت
انہوں نے کہا کہ محکمہ میں فوری پاسپورٹ بنوانے کی کوئی سہولت موجود نہیں ہے۔ لہذا اس کے لئے کسی دلال کا سہارا نہ لیں۔ای ٹی وی بھارت کے نمائندہ نے ایک لکھنو کے حضرت گنج میں واقع رتن اسکوائر پاسپورٹ دفتر کے باہر گڈو نامی دلال سے بات کیا۔انہوں نے فوری پاسپورٹ بنوانے کا دعوی کرتے ہوئے 3500 فیس بتایا وہیں دوسرے دلال 8ہزار روپے میں فوری پاسپورٹ بنوانے کا دعوی کیا۔اس حوالے سے ای ٹی وی بھارت محکمہ کے افسر سے بات کی تو انہوں نے بتایا کہ اس طرح کی کوئی پالیسی نہیں ہے جو بھی اس طرح کا دعوی کا کرتا ہے وہ جھوٹا ہے اس پر ہم جانچ بھی کرائیں گے۔
