اترپردیش کے ضَلع گوتم بدھ نگرمیںپردھان منتری جل شکتی مہم کو کامیاب بنانے کے تحت ضلع مجسٹریٹ کی ہدایت پر ضلع کی تحصیلوں میں تالابوں کی کھدائی اور تزئین کا کام جاری ہے،
اس مہم کا مقصد گرتی زمینی سطح کو بچانا ہے۔
اس سلسلے میں ڈپٹی ڈسٹرکٹ مجسٹریٹ صدر پرسون دویدی کی سربراہی میں ضلع مجسٹریٹ کی ہدایت پر اسداللہ پور میں 8370 مربع میٹر تالاب پرکھدائی کا کام شروع کیا گیا ہے۔
تالاب کی کھدائی کے دوران تحصیل صدر کے عملہ اور پولیس فورس کی موجودگی میں اس کام کو انجام دیا جارہا ہے۔
ڈپٹی ڈسٹرکٹ مجسٹریٹ صدر پرسون دویدی کے مطابق پردھان منتری جل شکتی مہم کو کامیاب بنانے کے لیے علاقے میں تالاب کی کھدائی کی جارہی ہے۔
انہوں نے بتایا کہ مذکورہ اسکیم کے تحت اسداللہ پور میں 8370 مربع میٹرتالاب کی کھدائی ہوچکی ہے اور افسران مذکورہ کام میں مصروف ہیں۔
