دو بچوں کی ماں عاشق کے ساتھ فرار

کہتے ہیں کہ محبت کے لیے کوئی عمر نہیں ہوتی ،ایسا ہی ایک واقعہ اترپردیش کے ضلع قنوج میں سامنے آیا، جہاں جڑواں بچوں کی ماں میکے جانے کے بہانے عاشق کے ساتھ فرار ہوگئی۔

اترپردیش کے قنوج ضلع میں ایک عجیب و غریب واقعہ سامنے آیا ہے، جہاں دو بچوں کی ماں کی موبائل پر بات چیت محبت میں تبدیل ہو گئی اور معاملہ اتنا بڑھ گیا کہ اپنی عاشق کے ساتھ فرار ہو گئی۔

دراصل یہاں کے صدر کوتوالی علاقے کے سرائے معروف گاؤں کے رہنے والے جیتیندر کی شادی پانچ سال قبل کانپور کے بل ہور کی دیپتی کے ساتھ ہوئی تھی۔شادی کے ایک سال بعد دیپتی کو جڑواں بچے پیدا ہوئے۔ تقریباً آٹھ ماہ قبل دیپتی کے موبائل پر فرخ آباد کے رہنے والے امن کی مس کال آئی، بعد میں جب دیپتی نے کال کرنے والے کو پلٹ کر فون کیا تو دونوں کے درمیان بات چیت شروع ہوگئی، کچھ ہی دنوں میں دونوں کی دوستی ہوگئی اور پھر یہ دوستی محبت میں تبدیل ہوگئی۔موبائل پر ہوئی گفتگو کے دوران دیپتی امن کے پیار میں پاگل ہو گئی اور تقریباً چھ ماہ قبل مائکے جانے کا بہانہ بنا کر اس کے ساتھ فرار ہوگئی، دیپتی اپنے ساتھ ایک بچہ بھی لے گئی۔

عاشق کے ساتھ فرار ہونے کے بعد اس نے اپنا موبائل فون بند کر دیا تاکہ اس کے خاندان والے اسے تلاش نہ کرسکیں۔
ادھر دیپتی کے خاندان والے بار۔ بار فون کرنے کے بعد بھی، جب ان کی بیٹی سے ان کی کوئی بات نہیں ہوسکی تو انہوں نے اپنے داماد جیتندر کے علاوہ اس کے خاندان والوں پر بیٹی کے قتل کا الزام اور اس کے مردہ جسم کو غائب کر دینے کا مقدمہ درج کرا دیا۔
پولیس نے ملزمین کو گرفتار بھی کرلیا، لیکن تفتیش کے دوران پتہ چلا کہ دیتی کے شوہر جیتیندرا اور ان کے خاندان والے بے گناہ ہیں۔
پولیس نے سرویلانس کی مدد سے آٹھ ماہ قبل موبائل ریکارڈ کھنگالے تو ساری سچائی سامنے آگئی، پولیس نے ملزم کو گرفتار کر معاملے کو حل کرلیاہے۔