اتر پردیش: بھارت سمیت متعدد ممالک میں آج عید الاضحیٰ کا تہوار منایا جا رہا ہے۔ فرزندان توحید نے جذبہ ایثار و قربانی سے سرشار ہوکر جہاں اللہ کے حضور عید گاہوں اور مساجد میں نماز عید الاضحیٰ ادا کی وہیں سنت ابراہیمی ادا کرنے کے لیے قربانی کے عمل میں مصروف ہو چکے ہیں۔ Eid ul Adha Celebrated Across the Country
رامپور میں عیدالاضحیٰ کا خوبصورت نظارہ
اس دوران رامپور کی عیدگاہ میں تقریباً دو برس بعد نماز عید الاضحیٰ ادا کی گئی۔ کورونا وبا کی وجہ سے دو برس تک اجتماعی طور پر عیدین کی نماز ادا نہیں ہوئی تھی۔ عید کے خطبہ میں قاضیٔ شہر سید خوشنود میاں نے امن و امان کے ساتھ عید منانے کی تلقین کی۔ اس دوران انہوں نے اسلام میں قربانی کی اہمیت سے متعلق بھی بتایا۔ انہوں نے مسلمانوں سے یہ بھی اپیل کی کہ بھارت کے قانون کے مطابق صرف انہی جانوروں کی قربانی کریں جس کی اجازت دی گئی ہے۔
