ریاست اترپردیش کے کانپور میں انتظامیہ نے جلوس محمدی کے پیش نظر ہزاروں کی تعداد میں پولیس فورسز تعینات کی ہے ساتھ ہی 123 ڈرون کیمرے کے ذریعے جلوس محمد پر نگرانی کی جائے گی۔بتایا جاتا ہے کہ جلوس محمدی میں لاکھوں کی تعداد میں لوگ شریک ہوتے ہیں۔
جمعیت علماء ہند نے ضلع انتظامیہ اور کانپور کی تقریبا ڈیڑھ سو سے زائد تنظیموں کے ساتھ کئی مرحلہ کی میٹنگ کرنے کے بعد جلوس محمدی کی تیاری مکمل کر لی ہے۔ جلوس محمدی کو بخیریت نکالنے کے لئے ضلع انتظامیہ نے بھی ہزاروں کی تعداد میں فورس چپّہ۔چپّہ پر تعینات کر دی ہے ،کسی طریقے کی بدنظمی نہ پیدا ہونے ہو اور جلوس محمدی کی نگرانی کرنے کے لیے ایک 123 ڈرون کیمرے بھی لگائے گئے ہیں تاکہ کوئی شرپسند کسی طریقے کی شرانگیزی نہ کرسکے۔ جلوس محمدی جمعیت علماء ہند کانپور کی زیر قیادت 74 سال سے نکل رہا ہے ۔ سب سے پہلے یہ جلوس سنہ 1913 میں نکالا گیا تھا جو ہندو مسلم ایکتا کی مثال بن کر انگریزوں کے خلاف نکلا تھا ۔ جلوس محمدی کے تعلق سے جمعیت علماء ہند نے عوام سے بھی اپیل کی ہے ۔ Eid Milad un Nabi 2022
جلوس محمدی کی تیاری کے لیے ضلع انتظامیہ نے ریپیڈ ایکشن فورس پی اے سی، آئی ٹی بی پی کے جوان ، لوکل پولیس، سادی وردی میں پولیس، سوشل میڈیا پر نگرانی ، تمام علاقوں میں پی ٹی زیڈ کیمرے جلوس روڈ پر اس کے ساتھ ساتھ سیول ڈیفینس کے والینٹیر کی مدد سے ہر طریقے سے ضلع انتظامیہ چاک چو بند رہے گی۔ شہر کے اعلی افسران کے ساتھ سو انسپکٹر پانچ سو سب انسپکٹر دس کمپنی پی اے سی لگائی گئی ہے۔ Eid Milad un Nabi 2022
یہ بھی پڑھیں : Sabotage At Religious Place in Kanpur کانپور میں بجرنگ دل کارکنان نے مزار کی دیوار توڑی
