ریاست اترپردیش کے ضلع ہردوئی میں پریمی جوڑے نے زہر کھا کر خودکشی کرنے کی کوشش کی ہے۔ عاشق جوڑے کو بے ہوشی کی حالت میں سڑک کے کنارے جھاڑی میں پایا گیا۔
علاقے کے لوگوں نے دونوں کو ایمبولینس سے علاج کے لیے ضلع ہسپتال میں داخل کرایا، جہاں ان کا علاج جاری ہے۔
گزشتہ دو برس سے دونوں کے درمیان محبت عروج پر تھی، لیکن ان کے خاندان والوں کو یہ منظور نہیں تھا لہٰذا دونوں نے زہر کھا کر خودکشی کرنے کی کوشش کی۔
واضح رہے کہ یہ معاملہ تھانہ بیہٹہ گوکل علاقے کے سیدپور نہر کے پاس کا ہے، جہاں پریمی جوڑے بے ہوشی کی حالت میں پڑے ہوئے پائے گئے تھے۔
دراصل زلزلی کے کوتوالی ملاواں علاقے کے جریرا کا رہنے والا 23 سالہ سنجے اور ضلع شاہجہاں پور میں تھانہ صحراماؤ دکشینی کے سورتپر کے کی رہنے والی 21 سالہ کاجل کو بے ہوشی کی حالت میں سید پور نہر کے پاس لوگوں نے پڑا دیکھا، جس کے بعد علاقے میں افرا تفری مچ گئی۔
لوگوں نے 108 پر اس خبر کی اطلاع ایمبولینس کو دی اور ایمبولینس سے دونوں کو سی ایچ سی ٹونڈرپور لے جایا گیا، جہاں ان کی حالت کو نازک بتاتے ہوئے انہیں ہردوئی ضلع ہسپتال میں ریفر کردیا، جہاں ان کا علاج چل رہا ہے
ایسا خیال کیا جارہا ہے کہ سنجے جے سی بی کا ڈرائیور ہے اور صحراماؤ اور اس کے آس پاس جے سی بی چلاتا ہے، جہاں اس کی ملاقات ایک لڑکی سے ہوئی، اور پھر دونوں کہ بیج محبت ہوگی۔
دونوں نے ساتھ رہنے کا فیصلہ کرلیا، لیکن دونوں کی برادری الگ الگ ہونے کی وجہ سے ان کے خاندان والے ان کی شادی کے خلاف تھے لہٰذا دونوں نے زہر کھاکر خودکشی کرنے کی کوشش کی، فی الحال دونوں کو ضلع ہسپتال میں علاج کے لیے لے جایا گیا جہاں پر ان کی حالت نازک بنی ہوئی ہے۔
