ریاست اترپردیش کے پاورلوم صنعتی شہر مئو کے چرئیا کوٹ تھانہ حلقہ سے تین افراد کو حراست میں لیا گیا ہے جن کے پاس سے نقلی شراب برآمد کی گئی ہے۔
واضح رہے کہ ان تینوں پر الزام ہے کہ یہ نقلی شراب کی سپلائی کیا کرتے تھے۔
خیال رہے کہ گرفتار شدگان کے قبضے سے پولیس نے 74 لیٹر نقلی شراب اور اسے تیار کرنے کا سامان برآمد کیا ہے۔
پولیس کے مطابق یہ لوگ اینٹ بھٹے پر ہی نقلی شراب تیار کرتے تھے، یہ نقلی شراب آس پاس کے علاقوں میں فروخت کی جاتی تھی۔
لاک ڈاؤن کے دوران کافی عرصہ تک سرکاری شراب کی دکانیں بند رہیں، اس درمیان نقلی شراب سمگلر بے حد سرگرم ہو گئے ہیں۔
