کانپور کے مال روڈ پر واقع کمپنی باغ پارک میں ڈاکٹر بھیم راؤ امبیڈکر کے مجسمہ کے سامنے انڈین یونین مسلم لیگ کے کارکنان نے ہاتھوں میں موم بتی اور نعرے لکھی تختیاں لیکر را بعہ سیفی کے لئے انصاف کا مطالبہ کیا۔
مظاہرین نے حکومت ہند سے سوال کیا کہ ایسا کوئی مضبوط قانون کیوں نہیں بنایا جاتا ہے جس سے ایسے بے رحم، ظالم اور درندوں کے دلوں میں خوف پیدا ہو، تاکہ اس طرح کے خوفناک واقعات دوبارہ پیش نہ آئے۔
یہ بھی پڑھیں:دہلی جنسی زیادتی معاملہ: یادگیر میں بھیم تنظیم کا کینڈل مارچ
رابعہ سیفی کو انصاف دلانے کے لئے مظاہرہ کر رہے انڈین یونین مسلم لیگ کے کارکنان نے اس دردناک واقعے کی سخت لفظوں میں مذمت کی۔
اس موقع پر مذکورہ جماعت کے ریاستی نائب صدر محمد عرفان نے کہا کہ 'ہمارے ملک کا قانون کمزور ہے اسی لیے جنسی زیادتی کے واقعات بار بار ہو رہے ہیں۔ حکومت کوئی ایسا قانون بنائے یا اقدام کرے جس سے کہ لڑکیوں کا تحفظ ہو اور بے رحم درندہ صفت انسانوں میں خوف پیدا ہو۔
