بھدوہی: ڈسٹرک مجسٹریٹ راجندر پرساد کی جانب سے 28 اپریل کو تمام افسران کو ایک خط جاری کیا گیا تھا. اس خط میں ضلع مجسٹریٹ نے تمام افسروں کو کہا تھا کہ 'وہ زیادہ سے زیادہ عام لوگوں سے آروگیہ سیتو ایپ ڈاؤن لوڈ کروائیں. اور اس میں یہ بھی کہا گیا تھا کہ آروگیہ سیتو ایپ ڈاؤن لوڈ کے ساتھ ساتھ 100-100 روپے کا امداد بھی پی ایم فنڈ میں جمع کروائیں.
ڈسٹرک مجسٹریٹ کے اسی خط کو ہفتہ کے روز پرینکا گاندھی نے ٹویٹ کرتے ہوئے طنز کسا. پرینکا گاندھی نے اپنے ٹویٹ میں لکھا کہ جب عوام کی حالت بد سے بد تر ہے، راشن، پانی، نقد رقم کی قلت ہے، اور دوسری جانب سرکاری محکمہ سب سے سو سو روپے پی ایم کیئر کے لئے وصول کر رہا ہے. تب ہر نقطہ نظر سے مناسب رہے گا کہ پی ایم کیئر کی سرکاری آڈٹ بھی ہ
وہیں ملک سے فرار ہو چکے بینک چوروں کو 68،000 کروڑ معاف کیا گیا اس کا حساب ہو نا چاہئے ؟ بحران کے وقت عوام کے سامنے شفافیت ضروری ہے۔
پرینکا گاندھی کی ٹویٹ وائرل ہوتے ہی ضلع مجسٹریٹ راجندر پرساد نے اس معاملے میں صفائی دیتے ہوئے کہا کہ خط آروگیہ سیتو ایپ ڈاؤن لوڈ کرنے کا اعلان کیا گیا تھا. خط میں وزیر اعظم کیئر فنڈ میں پیسے ڈالنے کی جو بات کہی گئی ہے، وہ صرف لوگوں سے اپیل ہے، کہ وہ اپنی مرضی سے اگر چاہیں تو عطیہ کر سکتے ہیں. یہ سب ٹائپنگ مسٹیک کی وجہ سے ہوا تھا، جسے اب ٹھیک کرا دیا گیا ہے.
