پیس پارٹی کے قومی صدر ڈاکٹر ایوب انصاری پر نیشنل سکیورٹی ایکٹ (این ایس اے) نافذ کردیا گیا ہے۔ اخبار میں قابل اعتراض اشتہارات شائع کرانے کی وجہ سے ان پر یہ کارروائی کی گئی ہے۔ ڈاکٹر ایوب انصاری پر الزام ہے کہ انہوں نے قابل اعتراض اشتہار شائع کیا جس میں ملک مخالف مواد شامل کیا گیا تھا اور معاشرے میں نفرت کا بیج بونے کی کوشش کی گئی تھی۔
مزید پڑھیں:
ایسے ہوا "انڈو اسلامک کلچرل فاؤنڈیشن" ٹرسٹ کا اعلان
ان کے خلاف تھانہ حضرت گنج میں مقدمہ درج کیا گیا تھا۔ لکھنؤ پولیس کی رپورٹ کے بعد انتظامیہ نے ان کے خلاف این ایس اے عائد کرنے کی سفارش کی تھی جس کے بعد ان کے خلاف کاروائی عمل میں لائی گئی ہے۔
ڈاکٹر انصاری سے قبل ممتاز سماجی کارکن و معروف ماہر اطفال امراض و بی آر ڈی میڈیکل کالج کے شعبہ اطفال کے سابق ذمہ دار ڈاکٹر کفیل خان کے خلاف بھی این ایس کے تحت کاروائی کی گئی تھی۔ ڈاکٹر کفیل اب بھی قید میں ہیں۔
