مدرسے کے طلبہ میں اسکولی بیگ تقسیم

ریاست اترپردیش کے ضلع بہرائچ کے مدرسہ جامعہ غازیہ فیض العلوم میں آج طلبہ میں اسکولی بیگ تقسیم کیے گئے ہیں۔

جامعہ غازیہ فیض العلوم میں آج حکومت اترپردیش کی جانب سے طلباء کو دیے جانے والے بیگ کو تقسیم کیا گیا۔

اسکولی بیگ تقسیم

مینیجر عقیل احمد نے آج مدرسہ کے درجات تحتانیہ (پرائمری) و فوقانیہ (جونیئر ہائی اسکول) کے طلبہ کو بیگ تقسیم کیے۔

انہوں نے بتایا کہ یہ بیگ حکومت اترپردیش کی جانب سے طلبہ کو بیگ اسکیم کے تحت تقسیم کیا گئے ہیں۔

جامعہ کے غریب و مسکین بچے بیگ پا کر کافی خوش ہوئے اور انکے چہرے کھل اٹھے۔

اس موقع پر مدرسہ کے انچارج صدر مدرس معراج احمد اشرفی کے علاوہ شہر کے تمام معزز حضرات موجود رہے۔