غازی آباد: اتر پردیش کی غازی آباد انتظامیہ نے مودی نگر کے گاؤں سیکری خورد اور مودی نگر میں واقع دشمن املاک کو قبضہ سے نجات دلانے کے لیے کمر کس لی ہے۔ لیکن اب گاؤں والے قبضہ آزاد مہم کے خلاف متحرک ہونا شروع ہو گئے ہیں۔ سیکری خورد گاؤں میں واقع مہامایا دیوی مندر کے احاطے میں منعقدہ پنچایت میں آر پار کی لڑائی کا اعلان کیا گیا ہے۔ Ghaziabad Farmers and Administration. کل تحصیل کا گھیراؤ کرکے سب ڈسٹرکٹ مجسٹریٹ کو میمورنڈم دیں گے۔
بتادیں کہ گاؤں سیکری خورد کے رہنے والے شیخ منظور آزادی کے بعد پاکستان چلے گئے تھے۔ گاؤں سیکری خورد اور مودی نگر میں ان کے نام پر چار سو بیگھے سے زیادہ زرعی زمین تھی۔ بعد ازاں مذکورہ اراضی کو انتظامیہ نے سرکاری ملکیت قرار دے دیا۔ زیادہ تر زمینوں پر قبضہ کر لیا گیا ہے۔ سال 2018 میں اس وقت کے ضلع مجسٹریٹ نے زمین کو قبضے سے آزاد کرانے کا حکم دیا تھا۔ اب تحصیل انتظامیہ نے منادی کرانے کے بعد مذکورہ زمین کو خالی کرنے کا حکم دیا ہے۔
آج شام گاؤں سیکری خورد میں پنچایت کا اہتمام کیا گیا۔ پنچایت کی صدارت کالورام گرجر نے کی اور ہرویر سنگھ نے نظامت کی۔ پنچایت میں مقررین نے کہا کہ 1972 میں چک بندی کے دوران انتظامیہ نے ہی زمین پر کسانوں کے چک کاٹے تھے۔ تب سے کسان مذکورہ زمین پر کاشت کر رہے ہیں۔ اب انتظامیہ زمین کو دشمن کی ملکیت قرار دے کر خالی کرنے کے احکامات دے رہی ہے۔ گاؤں والوں کا کہنا ہے کہ انتظامیہ کی غلطی کی سزا کسانوں کو مل رہی ہے۔
یہ بھی پڑھیں:
- Theft at Ghaziabad Restaurant: ریسٹورنٹ سے چالیس ہزار کی رقم چوری، پکوان بھی غائب
- SDM Handed Over Government Land, Demolished the Wall: ایس ڈی ایم نے سرکاری زمین واگزار کرائی
پنچایت میں متفقہ طور پر فیصلہ کیا گیا کہ کل گاؤں والے مودی نگر تحصیل کا گھیراؤ کریں گے اور سب ڈسٹرکٹ مجسٹریٹ کو میمورنڈم پیش کریں گے۔ اس موقع پر ببلی گرجر، سابق ممبر دیپک وتس، کمل پردھان راہول نواب علی، وکرم، ونود، پرمود کاسانہ، سونو دھرا پردھان، اشوک اور جگدیش وغیرہ موجود تھے۔
