لکھنو: سکریٹری ایکزیکٹیو افسر، اترپردیش ریاستی حج کمیٹی نے حج 2023 کے لئے درخواست داخل کرنے کی تفصیلات فراہم کرتے ہوئے کہا کہ حج-2023کے آن لائن درخواستیں حج کمیٹی آف انڈیا، ممبئی کی ویب سائٹ http://hajcommittee.gov.in اور موبائل ایپ "HAJ COMMITTEE OF INDIA" پر بھرے جا سکیں گے۔ حج-2023 کے لئے آن لائن درخواستیں داخل کرنے کا وقت 10 فروری 2023 سے شروع ہو کر آخری تاریخ 10 مارچ 2023 تک جاری رہے گا۔
حج درخواست فارم بھرنے سے قبل درخواست دہندہ حج-2023کی گائیڈ لائن کو دھیان سے دیکھنا ہوگا۔ درخواست کی آخری تاریخ کو انڈین انٹرنیشنل پاسپورٹ کی validity 3 فروری 2024 سے کم نہیں ہونی چاہئے۔ درخواست دیتے وقت کوئی رجسٹریشن فیس جمع نہیں ہوگی۔ ایک کورcover میں ایک کنبہ کے زیادہ سے زیادہ چار اور کم از کم ایک فرد اور دو انفینٹ ہی درخواست کر سکتے ہیں۔
درخواست فارم میں درج رہائشی پتہ اور پاسپورٹ میں درج پتہ ایک سا ہونے پر ہی رہائشی سند کے طور پر پاسپورٹ کی فوٹو کاپی منظور ہوگی۔ ہر درخواست دہندہ کے لئے کووِڈ-19کی ویکسینیشن لازمی ہے اور پرواز سے ایک ماہ قبل لگوانا ضروری ہوگا، تبھی سفر کی منظوری ملے گی۔ این آر ائی، عمرہ، سرکاری افسر ملازم، میڈیکل گراونڈ یا فیملی ٹور پر جانے والے درخواست دہندگان کو پاسپورٹ جمع کرنے میں 15شوّال 1444ھ تک رعایت دی گئی ہے لیکن انہیں اس ضمن میں درخواست فارم کے ساتھ ضروری دستاویز جمع کرنے ہوں گے۔
بغیر محرم زمرہ کی خواتین جن کی عمر درخواست کے وقت 45 سال سے کم نہ ہو، وہ خواتین اکیلے یا زیادہ سے زیادہ چار کے گروپ میں درخواست کر سکتیں ہیں۔ انہیں Ladies withoit Mehram زمرہ میں رکھا جائےگا۔حج-2022میں لکھنو سے جانے والے مسافروں کو 388560/- اور دہلی سے 386995/-جمع کرنا پڑا تھا۔ حج-2023کےلئے ابھی حتمی طور پر کل خرچ کا تعین نہیں ہوا ہے صرف دو قسطوں کی اطلاع حج کمیٹی آف انڈیا کے ذریعہ دی گئی ہے، جس میں پہلی قسط81500/- اور دوسری قسط 170000/-ہے۔ تیسری اور حتمی قسط کی اطلاع بعد میں دی جائےگی۔
اترپردیش حج کمیٹی کے سی یو جی موبائل نمبر-7310103537پر ضلع امیٹھی، ایٹا، اجودھیا، بستی، کاس گنج، للت پور، امبیڈکر نگر، اوریا، بلرام پور، باندہ، چترکوٹ، اٹاوہ، فتح پور، گونڈہ، ہمیر پور، جالون، جھانسی، کانپور شہر، قنوج، کانپور، دیہات، پرتاپ گڑھ، بارہ بنکی، بہرائچ، بریلی، ہردوئی، بدایوں، فروخ آباد، پیلی بھیت، لکھیم پور کھیری، شاہجاںپور، سیتاپور، سلطانپور، انّاو ، لکھنو ، مہوبہ، مین پوری، رائے بریلی، سنت کبیر نگر، شراوستی، سدھارتھ نگر کے افراد ربط پیدا کرکے تفصیلات جان سکتے ہیں۔
ضلع اعظم گڑھ، بلیا، چندولی، دیوریا، غازیپور، مہراج گنج، مرزاپور، مﺅ، وارانسی، جونپور، گورکھپور، کوشامبی، کشی نگر، پریاگ راج، سون بھدر، سنت رویداس نگر کے رہائشی افراد اس موبائل نمبر-7310103543 پر ربط پیدا کرسکتے ہیں۔ ضلع بجنور، بلندشہر، امروہہ، سہارنپور، رامپور، فیروز آباد، مرادآباد، سنبھل کے باشندے اس موبائل نمبر-7310103541 پر ربط پیدا کرسکتے ہیں۔
ضلع آگرہ، علی گڑھ، ہاتھرس، میرٹھ، باغپت، ہاپُڑ، غازی آباد، گوتم بدھ نگر، متھرا، مظفرنگر، شاملی کے افراد اس موبائل نمبر-7310103536 پر معلومات حاصل کرسکتے ہیں۔ اس کے علاوہ عام معلومات کے لئے 7310103534 پر یا ای-میل پر معلومات کرنے کے لئے ای-میل آئی ڈی-shcuplko@rediffmail.com پر رابطہ کر ضروری معلومات حاصل کر سکیں گے۔
مزید پڑھیں: حج 2033 میں وی آئی پی کوٹہ ختم
