ریاست اترپردیش میں ضلع امروہہ کے گجرولہ محلہ سلطان پور میں ڈپٹی کلکٹر اور محکمہ رسد کے افسروں کی جانب سے بڑی کاروائی کی گئی۔
اس کاروائی کے دوران غیر قانونی طور پر تیار کی جارہی دیگر مٹھائیوں کی فیکٹریوں پر چھاپے مار کر تقریبا 350 کلو رس گلے ضبط کیے گئے۔
اطلاعات کے مطابق یہ کاروائی ہولی کے تہوار کے پیش نظر کی گئ تاکہ عوام تک عمدہ اور معیاری قسم کی مٹھائیاں دستیاب ہوسکے۔
ڈپٹی کلکٹر ششانک چودھری نے صحافیوں سے گفتگو کرتے ہوئے کہا کہ 'ہولی کے تہوار کے پیش نظر یہ کاروائی کی جا رہی ہے تاکہ کھانے پینے کی اشیا کی شناخت کرکے بہتر اشیا کو بازار میں فروخت کرایا جا سکے'۔
اس دوران سلطان پور محلہ میں ٹی ٹو اور برہمہ نند کے یہاں محکمہ صحت نے چھاپہ مار کے ذریعہ تقریبا 350 کلو رس گلے پکڑے۔
محکمہ نے اشیا کو اپنے قبضے میں لے کر دفن کرا دیا اور مٹھائی کاروباریوں کے خلاف قانونی کارروائی شروع کر دی ۔
وہیں گجرولہ کے بھان پور پھاٹک کے پاس گڑھوال ڈیری پر بھی چھاپہ ماری کی گئ اور ان پر کھانے پینے کی اشیا بنانے میں لاپرواہی برتنے کا الزام عائد کیا گیا۔
