سہارنپور کے دیوبند علاقہ سے رکن اسمبلی کنوبر برجیش سنگھ نے بھی اترپردیش میں یوگی حکومت کے ساڑھے چار برس مکمل ہونے پر ہائی کمان کے ہدایات کے مطابق میڈیا کے سامنے روبرو ہوتے ہوئے اپنے ساڑھے چار برس میں کرائے گئے ترقیاتی کاموں کو پیش کیا۔ انہوں نے کہاکہ وزیر اعلیٰ یوگی آدتیہ ناتھ نے غنڈہ راج ختم کرکے ریاست کو ترقی کی راہ پر گامزن کیا ہے۔
دیوبند اسمبلی حلقہ میں کروڑوں روپے کے بجٹ سے سڑکوں کی تعمیر کرانے کے علاوہ، جڑودہ پانڈہ سمیت درجنوں گاؤں کے لوگوں کے طویل مطالبہ پورا کرتے ہوئے جمنا نہر سے آب پاشی کے لیے پانی مہیا کرانے کے لیے دو اسکیموں کی منظوری کرائی گئی اور وہاں پر کام بھی شروع کردیا گیا ہے۔'
انہوں نے کہاکہ کورونا کے دور میں سامنے آئی آکسیجن کی ضرورت کو دھیان میں رکھتے ہوئے رنکھنڈی اور جڑودہ پانڈہ سرکاری اسپتال میں دو آکسیجن جنریٹر پلانٹ کی تعمیر کرائی گئی ہے۔ اس کے علاوہ اسمبلی رکن کنوربرجیش سنگھ نے اپنے ذریعہ کرائے گئے دیگر ترقیاتی کاموں کو بتاتے ہوئے یوگی حکومت کی جانب سے چلائی جارہی مختلف اسکیموں کے متعلق تفصیلی گفتگوکی۔ اس موقع پر بی جے پی کے ضلع صدر ڈاکٹر مہیندر سنگھ سینی، ضلع کو آپریٹیو بینک کے چیئرمین چودھری راج پال سنگھ، بی جے پی کے شہر صدر نتن گرگ، وجے تیاگی،پون دھیمان، اجے سنگھل، ڈاکٹر اوپیندر گوجر وغیرہ موجود رہے۔
