نوئیڈا: اترپردیش کے نوئیڈا میں جہاں جھگی وہیں مکان اسکیم کے نفاذ کے لیے مظاہرہ کیا گیا اور وزیر اعظم اور وزیر اعلیٰ سے مخاطب ہوکر میمورنڈم نوئیڈا اتھارٹی کے حوالے کیا گیا۔ منچ کے پہلے سے اعلان کردہ پروگرام کے مطابق کچی آبادیوں کے باشندے صبح 11:00 بجے بانس بلی مارکیٹ سیکٹر-10، نوئیڈا میں مظاہرے کے لیے جمع ہوئے، اسی وقت تھانہ فیز ون پولیس نے دفعہ 144 کا حوالہ دیتے ہوئے منچ کے رہنماؤں کو نوٹس تھما دیا۔ Jahan Jhuggi Wahin Makan Scheme
اس تعلق سے فورم کے رہنماؤں نے کہا کہ وہ اتھارٹی پر مظاہرہ کر کے اپنا میمورنڈم ضرور دیں گے جس پر پولیس افسران نے فورم کے رہنماؤں سے بات کی کہ وہ اتھارٹی کے اہلکاروں کو یہیں بلا کر مزاکرات کرا دیں گے اور میمورنڈم بھی حوالے کر دیا جائے گا۔ مذکورہ بالا معاہدے پر طے پانے کے بعد نوئیڈا اتھارٹی کے او ایس ڈی اویناش ترپاٹھی مظاہرین سے بات کرنے بانس بلی مارکیٹ سیکٹر 9 پہنچے اور مسائل سننے کے بعد انہوں نے میمورنڈم لیا اور مظاہرین کو یقین دہانی کرائی کہ وہ تمام مسائل کو حل ترجیحی بنیاد پر کریں گے۔ Demonstration for the implementation of Jahan Jhuggi
یہ بھی پڑھیں:
مظاہرے سے خطاب کرتے ہوئے فورم کے کنوینر گنگیشور دت شرما، صدر رماکانت سنگھ، خزانچی شہاب الدین، کارگذار صدر منا عالم، سکریٹری اپدیش سریواستو اور محمد ہارون وغیرہ نے کہا کہ اگر میمورنڈم میں دیے گئے تمام مسائل کو 1 ماہ کے اندر حل نہیں کیا گیا تو دوبارہ اتھارٹی کے باہر زبردست احتجاجی مظاہرہ کرنے پر مجبور ہو جائیں گے۔
