مرادآباد: گاگن ندی پر پل بنانے کا مطالبہ

مرکزی حکومت اور صوبائی حکومت سب کا ساتھ سب کا وکاس اور ترقی کے لیے تمام منصوبے چلا رہی ہے لیکن ان منصوبوں کی حقیقت اگر زمینی سطح پر دیکھی جائے تو یہ منصوبے صاف طور پر کھوکھلے ثابت ہوتے دکھائی دے رہے ہیں۔

ریاست اترپردیش کے مرادآباد بلاک کندرکی کے گاؤں جوتیاں فیروزپور کے مقامی لوگ ایک گاؤں سے دوسرے گاؤں کھیتی باڑی کرنے کے لیے مرادآباد شہر آنے کے لیے گاگن ندی کو ایک ٹائر کے ذریعے پار کر کے آتے اور جاتے ہیں۔

گاگن ندی پر پل بنائے جانے کا مطالبہ مقامی افراد ضلع انتظامیہ اور حکومت سے کر رہے ہیں، لیکن ان کی کوئی بات نہیں سنی جارہی اور ناہی ضلع انتظامیہ اور حکومتی نمائندہ نے یہاں کے مسائل پر کوئی توجہ دی۔