مرآباد میں سلاٹرہاوز تعمیر کرنے کا مطالبہ

ریاست اترپردیش کے مرادآباد میں قریشی برادری کے افراد نے نئے سلاٹر ہاوز کی تعمیر کرنے کا حکومت سے مطالبہ کیا ہے۔

آل انڈیا قریش ویلفیئر فاونڈیشن ضلع مرآباد یونٹ نے آج ڈسٹرکٹ مجسٹریٹ آفس پر احتجاجی مظاہرہ کیا اور وزیراعلیٰ یوگی ادتیہ ناتھ کو ایک میمورنڈم روانہ کیا جس میں نئے سلاٹر ہاوز کی تعمیر کا مطالبہ کیا گیا۔
قریش برادری کے مطابق مرادآباد میں تقریباً 20 لاکھ آبادی ہے جبکہ 55 فیصد آبادی مسلمانوں کی ہے اور دیڑھ فیصد قریشی برادری کے افراد میٹ کا کاروبار کرتے ہیں۔

قریش ویلفیئر فاونڈیشن نے کہا بی جے پی حکومت نے غیرقانوی سلاٹر ہاوز کو بند کرکے نئے جدید سلاٹر ہاوز تعمیر کرنے کا وعدہ کیا تھا لیکن ابھی تک اس وعدہ کو پورا نہیں کیا گیا جس کی وجہ سے قریشی برادری کو کافی مشکلات سامنا کرنا پڑ رہا ہے۔