ریاست اتر پردیش کے ضلع سنبھل سے سماج وادی پارٹی کے رکن پارلیمان ڈاکٹر شفیق الرحمٰن برق کے پوتے اور علی گڑھ مسلم یونیورسٹی کے طالب علم یونین کے سابق سیکریٹری ضیاء الرحمٰن برق نے اے ایم یو کو اقلیتی درجہ دیے جانے کا مطالبہ کیا ہے۔
ضیاء الرحمٰن برق نے کہا کہ علی گڑھ مسلم یونیورسٹی پر ہمیشہ اس حکومت میں کسی نہ کسی کو لیکر تنازعہ رہے۔
انھوں نے کہا کہ گذشتہ برس اے ایم یو میں لگی جِناح کی تصویر پر سیاست کی گئی اور وقت وقت پر کچھ سماج دشمن عناصر نے اے ایم یو کو نشانہ بناتے رہتے ہیں۔
ضیاء الرحمٰن برق نے بتایا کہ سرسید احمد خاں نے ہمیشہ ملت و اتحاد کی بات کی ہے۔
سرسید احمد خاں نے کہا کہ تھا علی گڑھ مسلم یونیورسٹی کی دو آنکھیں ہیں جس میں کہ ایک آنکھ مسلم اور دوسری غیر مسلم کی ہے، اگر یونیورسٹی کے کچھ لوگ یونیورسٹی پر سیاست کرتے ہیں تو پوری یونیورسٹی کو قصور وار نہیں کہا جا سکتا۔
انھوں نے کہا کہ ہمارا حکومت سے یہ مطالبہ ہے کہ علی گڑھ مسلم یونیورسٹی کو اقلیتی درجہ دئے جانے کے ساتھ ہی سر سید احمد خاں کو بھارت رتن دئے جانے کا بھی اعلان کیا جائے۔
