ریاست اترپردیش کے دارالحکومت لکھنؤ میں بہوجن سماج پارٹی (بی ایس پی) سپریمو مایاوتی نے آگرہ میں دلت خاتون کی لاش کو 'چتا' سے ہٹانے کے واقعہ کی شدید مذمت کرتے ہوئے قصورواروں کو سخت سزا دلانے اور معاملے کی اعلیٰ سطحی جانچ کا مطالبہ کیا ہے۔
محترمہ مایاوتی نے منگل کو اپنے ٹوئٹ میں 'اترپردیش میں آگرہ کے نزدیک ایک دلت خاتون کی لاش وہاں ذات پات کی تفریق پر مبنی ذہنیت رکھنے والے اعلیٰ سماج کے افراد نے اس لیے چتا سے ہٹادیا، کیونکہ وہ 'شمشان گھاٹ' اعلیٰ ذات کے لوگوں کا تھا۔
انہوں نے کہا کہ یہ بے حد شرمناک اور قابل مذمت واقعہ ہے۔
انہوں نے کہا کہ 'ایسے میں بی ایس پی کا مطالبہ ہے کہ اس 'جاتوادی نفرت ' کے معاملے کو اترپردیش حکومت کی جانب سے اعلیٰ سطحی جانچ ہونی چاہیے، اور خاطیوں کو سخت سے سخت سز ملنی چاہیے تاکہ ریاست میں ایسے واقعات دوبارہ وقوع پذیر نہ ہوں۔
خیال رہے کہ گذشتہ 20 جولائی کو اچھنیرا علاقے کے ایک گاؤں میں دلت خاتون کی آخری رسوم کی ادائیگی کو مبینہ طور سے اعلیٰ سماج کے کچھ لوگوں نے رکوا دیا تھا۔
معاملے کو حل کرنے کے لیے پولیس بھی پہنچی، لیکن دبنگوں کے آگے ان کی بھی نہ چلی جس کے بعد دلت خاتون کے لاش کو چتا سے اتار لیا گیا تھا، تاہم ایس ایس پی ببلو کمار نے معاملے کی جانچ کے احکامات دیے ہیں۔
