عالمی وبا کورونا وائرس کے سبب کیے گئے لاک ڈاون کے بعد اب ان لاک کے نفاذ کا سلسلہ جاری ہے، ایسے میں عید میلادالنبیﷺ کے جلوس نکالنے کے لیے لوگ حکومت کی اجازت کے منتظر ہیں۔
ریاست اترپردیش کے ضلع میرٹھ میں ہر برس جشن عید میلادالنبیﷺ کا جلوس جوش و خروش کے ساتھ نکالا جاتا رہا ہے۔ لیکن اس برس کورونا وبا کے سبب جلوس کے تعلق سے حکومت کی جانب سے کوئی جواب نہ ملنے سے جلوس محمدی کمیٹی کے ذمہ داران میں مایوسی دیکھی جا رہی ہے۔
یہ بھی پڑھیں: محکمہ بجلی کی لاپرواہی، انصاف کا طلبگار وکاس
ایسے میں کمیٹی کے اراکین کا ماننا ہے کہ اگر حکومت جلوس کی اجازت دیتی ہے تو انہیں امید ہے کہ اس جلوس کی برکت سے ملک کے تمام مشکلات دور ہوجائیں گے اور اب وہ محمدﷺ کے پیغام کو سوشل نیٹ ورکنگ کے ذریعے بھی ہر عام و خاص تک پہنچانے کا کام کریں گے۔
ملک میں کورونا انفیکشن کے خطرے کو دیکھتے ہوئے حکومت کی جانب سے جلوس محمدیﷺ پر بھی پابندی کا خطرہ بنا ہوا ہے۔ ایسے حالات میں کمیٹی کے ذمہ داران اس کو حکومت کی شرائط کے مطابق نکالنے کی بھی بات کر رہے ہیں۔ لیکن پوری دنیا میں محمدﷺ کے پیغام کو عام کرنے کے لیے وہ سوشل میڈیا کی مدد سے پیغام کو پورے دنیا تک پہنچانے کا کام کریں گے۔
