ریاست اترپردیش کے نوئیڈا سمیت ضلع گوتم بدھ نگر میں انتظامیہ اور طبی عملہ کی کوششوں کے بدولت کورونا مریضوں کی تعداد میں مزید کمی آئی ہے ۔
ضلع انتظامیہ کی جانب سے جاری رپورٹ کے مطابق کورونا مدت کے ساڑھے چھ ماہ بعد ضلع میں سب سے کم 39 نئے کورونا کے مریض سامنے آئیں ہیں۔
اس سے قبل 13 دسمبر کو ضلع میں 49 کورونا متاثرہ مریض پائے گئے تھے ۔ وہیں 89 متاثرہ افراد کورونا سے صحتیاب بھی ہوئے ہیں جس کے بعد ضلع میں کورونا سے صحتیاب ہونے والے افراد کی تعداد بڑھ کر 23،459 ہوگئی ہے۔ گزشتہ 48 گھنٹوں کے درمیان ایک بھی کورونا متاثرہ مریضوں کی موت واقع نہیں ہوئی ہے۔
ڈسٹرکٹ سرویلانس آفیسر ڈاکٹر سنیل دوہرا کا کہنا ہے کہ ضلع میں اب کورونا متاثرہ مریضوں کی تعداد 39 ہے۔ فعال کیسیز کے معاملے میں اب بھی یہ ضلع ریاست میں پانچویں نمبر پر ہے۔ فی الحال 763 مریض ابھی بھی زیر علاج ہیں۔
