ریاست اترپردیش کے ضلع کشی نگر کے سکرولی بلاک کے پٹری گاؤں میں پانچ دن پہلے ممبئی سے آئے 62 برس کے بزرگ کی اتوار کو موت ہوگئی۔
واضح رہے کہ پیر کو متوفی کی جانچ رپورٹ میں کورونا وائرس کی تصدیق ہوئی ہے۔
واضح رہے کہ اطلاع کے مطابق سکرولی بلاک کے پڑری گاؤں کے رہنے والے بزرگ اپنے بیٹے کے ساتھ پانچ دن پہلے ہی ممبئی سے گاؤں لوٹے تھے۔
تھرمل سکریننگ کی جانچ کے بعد پرائمری سکول پر گذشتہ چار دونوں سے قرنطینہ میں تھے۔
بتایا جارہا ہے کہ اتوار کو اچانک ان کی طبیعت خراب ہوگئی، موقع پر پہنچی محکمہ صحت کی ٹیم نے بزرگ کو ان کے بیٹے کے ساتھ ایمبولنس سے کورونا جانچ کے لیے آئیسولیشن وارڈ سیورہی بھیجا۔
باپ بیٹے نمونے دے کر باہر نکلے تبھی بزرگ غش کھا کر گر گئے اور ان کی موت ہوگئی۔
انچار میڈیکل افسر سکرولی ڈاکٹر ہیمنت ورما نے بتایا کہ متوفی کی کورونا جانچ رپورٹ مثبت آئی ہے۔
چیف میڈیکل افسر ڈاکٹر نریندر گپتا نے بتایا کہ گاؤں کو ہاٹ سپاٹ میں تبدیل کیا جارہا ہے۔
انہوں نے کہا کہ اب کل متاثرین کی تعداد بڑھ کر چھ ہوگئی ہے، جس میں دو صحتیاب ہوچکے ہیں، جبکہ تین کا علاج جاری ہے۔
