کورونا کی وجہ سے میڈیکل کالج میں حالات بے قابو ہو چکے ہیں۔ ایمرجنسی میں پہنچے مریضوں کو بھی آکسیجن مہیا نہیں ہو پارہی ہے۔ ہفتہ کو ایک خاتون کو ان کے گھر والے میڈیکل کالج پہنچے، لیکن آکسیجن نہیں ملا تو بیٹیوں نے منہ سے اپنی ماں کو آکسیجن دی۔
بیٹیوں نے بچائی جان
ہفتہ کو خاتون کی سانس میں پریشانی آئی تو گھر والوں نے فورا میڈیکل کالج میں بھرتی کرایا۔ یہاں پہنچنے پر آکسیجن کی قلت تھی تو وہاں موجود بیٹیوں نے اپنے منہ سے ماں کو سانس دی۔
اسی درمیان کسی نے اس پورے واقعہ کا ویڈیو بنا کر سوشل میڈیا پر وائرل کردیا۔ ویڈیو کے سامنے آنے کے بعد ڈاکٹروں میں ہلچل مچ گئی۔ آنا فانا میں مریض کو موقع سے ہٹا دیا گیا۔
ڈاکٹر اور ہسپتال میں کام کرنے والے ملازمین خاتون کے بارے میں کچھ بھی بولنے سے بچ رہے ہیں۔ حالانکہ خاتون کی حالت فی الحال بہتر ہے۔ علاج دوسرے ہسپتال میں چل رہا ہے۔
