سپرنٹنڈنٹ آف پولیس ڈاکٹر رام یش سنگھ نے بدھ کو یہاں بتایا کہ فرینڈس کالونی کے یدوونشر نگر میں قتل غیرت کا ایک معاملہ پیش آیا ہے۔
انہوں نے بتایا کہ سبکدوش فوجی ادے ویر نے منگل کی رات پولیس کو اطلاع دی کہ اس کی 17 سالہ بیٹی نے خود کو گولی مار کرخودکشی کر لی ہے۔ معاملے کی اطلاع ملتے ہیں پولیس موقع پر پہنچ گئی۔
انہوں نے بتایا کہ اس معاملے میں شکایت کنندہ و چشم دید گواہ و لڑکے کے مامو سنیل کمار نے پولیس کو بتایا کہ لڑکی نے خودکشی نہیں کی ہے بلکہ اس کے بہنوائی ادے ویر نے اسے گولی مارکر ہلاک کیا ہے۔
سنیل کی جانب سے فراہم کی گئی معلومات کی بنیاد پر پولیس نے ادے ویر سنگھ کو بیٹی کے قتل کے الزام میں گرفتار کر لیا ہے۔
معاملے کو سنجیدگی سے لیتے ہوئے اڈیشنل سپرنٹنڈنٹ آف پولیس(شہر) اور سرکل افسر کی قیادت میں ایک جانچ ٹیم تشکیل دی گئی ہے۔
پولیس پوچھ میں ادے ویر نے پولیس کو بتایا کہ اس کی بیٹی غلط راستے پر جارہی تھی اس لئے اس نے عزت نفس کے خاطر بیٹی کو گولی ماردی۔پولیس نے اسے عدالت میں پیش کرنے کے بعد جیل بھیج دیا ہے۔
