ریاست اتر پردیش کے شہر بارہ بنکی کے محلہ پیر بٹاون واقع مدرسہ اسلامیہ انصار العلوم میں جمعہ کی رات جشن رحمت للعالمین اور جشن دستار بندی کی تقریب کا اہتمام کیا گیا۔ Dastarbandi Program in Madrasa Islamia Ansarul Uloom Barabanki
کووڈ-19 کی وجہ سے گزشتہ 3 برس سے یہ تقریب مکمل نہیں ہو پا رہی تھی۔ اس لیے امسال اسے جوش و خروش کے ساتھ منایا گیا۔ جس میں مدرسے سے حفظ قرآن مکمل کرنے والے 26 طلباء کی دستار بندی کی گئی۔
دستار بندی کا پروگرام میں مدرسہ سے منسلک افراد اور مقامی عوام نے شرکت کی۔ رات کو مدرسہ میں طعام کے بعد پیر بٹاون واقع فضل الرحمان پارک میں جشن رحمت للعالمین اور دستار بندی منعقد ہوئی۔
اس موقع پر مدرسے کے طلباء نے جہاں نعت اور قرأت کے پروگرام پیش کیے وہیں دور دراز سے آئے علماء کرام نے عوام کو دینی تعلیمات کے ساتھ معاشرے میں اصلاح کا درس دیا۔
مولانا وسیم احمد نے کہا کہ 'اس پروگرامز کا اصل مقصد سماج سدھار ہے۔ انہوں نے کہا کہ 'جو سچا مذہبی انسان ہوگا وہ سماج کا سب سے بہترین انسان ہوگا۔' Maulana Wasim Ahmed on Responsibility for social reform
انہوں نے مزید کہا کہ 'سماج میں سدھار کی ذمہ داری صرف علماء کرام کی ہی نہیں اس کے لیے سماج کو بھی آگے آنا ہوگا۔'
