رام پور ضلع انتظامیہ نے عید گاہ کے مقام پر احتجاجی جلسہ کو روکنے کے اپنے فیصلہ کی وضاحت کرتے ہوئے کہا کہ ایک جگہ بھیڑ جمع کرنے کا مقصد صرف سیاسی مفاد حاصل کرنا ہوتا ہے۔ انہوں نے کہا کہ اگر عید گاہ میں لوگ ایک جگہ جمع ہوتے تو سیاسی لوگ اپنے سیاسی مفاد کی خاطر بہت لوگوں کو نقصان پہنچا سکتے تھے۔
21 دسمبر کو رامپور میں مظاہرین اور پولیس کے درمیان ہوئی جھڑپ کے معاملے پر بولتے ہوئے ضلع انتظامیہ اے کے سنگھ نے کہا کہ جو کچھ بھی ہوا وہ کہیں نہ کہیں سیاسی مفاد حاصل کرنے کے لئے کچھ باہری لوگوں نے سازش کے تحت ایسی بڑی واردات کو انجام دیا ہے۔
انہوں نے کہا کہ ہم سی سی ٹی وی فوٹیج اور دیگر ویڈیوز کلپ کے ذریعہ شرپسند عناصر کی نشاندہی کر رہے ہیں۔ انہوں نے کہ جس جس نے بھی اس واردات کو انجام دیا ہے وہ بخشے نہیں جائیں گے۔
ساتھ ہی ضلع مجسٹریٹ نے عید گاہ میں ان کی جانب سے رد کئے گئے احتجاجی جلسہ سے متعلق کہا کہ ایک مقام پر بھیڑ جمع کرنے کا مقصد اس کے سوا کچھ نہیں ہوتا ہے کہ صرف اپنا سیاسی مفاد حاصل کیا جائے۔
انہوں نے کہا کہ اگر ہم اس کو رد نہیں کرتے تو عوام کا کافی نقصان ہو سکتا تھا۔ انہوں نے کہا کہ جمہوریت میں احتجاج کے متعدد طریقہ ہیں، ان طریقوں کو اپنا کر بھی احتجاج کیا جا سکتا تھا۔
