نئی دہلی: کانگریس پارٹی کی رہنما پرینکا گاندھی واڈرا نے کہا ہے کہ مجرموں کو سخت سزا ملنی چاہئے لیکن سزا قانون کے مطابق ملنی چاہئے اور اس کا سیاسی فائدہ نہیں اٹھایا جانا چاہئے۔ انہوں نے کہا کہ ہمارے ملک کا قانون آئین میں لکھا گیا ہے، یہ قانون سب سے اہم ہے اور مجرموں کو سخت ترین سزا ملنی چاہئے، لیکن یہ ملک کے قانون کے تحت ہونی چاہئے۔ کسی بھی سیاسی مقصد کے لیے قانون کی حکمرانی اور عدالتی عمل سے کھیلنا یا اس کی خلاف ورزی کرنا ہماری جمہوریت کے لیے درست نہیں ہے۔ جو بھی ایسا کرتا ہے، یا ایسا کرنے والوں کو تحفظ دیتا ہے، اسے بھی ذمہ دار ٹھہرایا جانا چاہئے اور اس پر قانون کا سختی سے عمل درآمد کیا جائے۔
مزید پڑھیں:۔ Atique And Ashraf Murder Case عتیق کے حملہ آوروں کی مجرمانہ تاریخ
انہوں نے کہا کہ ملک میں عدالتی نظام اور قانون کی حکمرانی سب سے اوپر ہو، یہ ہم سب کی کوشش ہونی چاہیے۔ کانگریس کے کمیونیکیشن ڈپارٹمنٹ کے انچارج جیرام رمیش نے بھی اسی طرح کے ردعمل کا اظہار کرتے ہوئے کہا کہ کسی بھی سیاسی مقصد کے لیے قانون اور عدالتی عمل کی حکمرانی کو توڑنا یا اس کی خلاف ورزی کرنا جمہوریت کے لیے خطرناک ہے۔ جو بھی ایسا کرتا ہے یا کرنے والوں کو تحفظ فراہم کرتاہے، اسے بھی ذمہ دار ٹھہرایا جانا جاہئے اور ان پر قانون کو سختی سے نافذ کیاجانا چاہیے۔ یہ یقینی بنانے کے لیے ہماری اجتماعی کوشش ہونی چاہیے کہ عدالتی نظام اور قانون کی حکمرانی کا ہر وقت احترام کیا جائے۔
یواین آئی
