کانگریس رہنما پرینکا گاندھی نے اترپردیش میں گائیوں کی اموات پر تشویش کا اظہار کرتے ہوئے وزیراعلیٰ یوگی ادتیہ ناتھ کو ایک خط تحریر کیا۔ خط میں انہوں نے لکھا کہ للت پور سے گائیوں کی بڑے پیمانہ پر ہلاکت کی اطلاع انتہائی تکلیف دہ ہے۔
دو صفحات پر مشتمل خط میں پرینکا گاندھی نے کہا کہ ’کتنی گائیوں کی کن حالات میں ہلاکت ہوئی ہیں اس بارے میں کوئی واضح اطلاع نہیں ہے لیکن وائرل ویڈیو اور تصاویر سے لگتا ہے ہے کہ چارہ اور پانی کی کمی کے باعث متعدد گائے ہلاک ہوئی ہیں۔
انہوں نے دکھ کا اظہار کرتے ہوئے لکھا کہ اترپردیش میں یہ پہلا واقعہ نہیں ہے بلکہ اس سے پہلے بھی ایسے واقعات رونما ہوچکے ہیں۔ انہوں نے گائیوں کی دیکھ بھال کےلیے کوئی ٹھوس اقدام نہ اٹھانے پر یوگی حکومت کی مذمت کی۔
کانگریس رہنما نے مزید کہا کہ یوگی ادتیہ ناتھ اقتدار حاصل کرتے وقت گائے تحفظ اور گوشالا بنوانے کا اعلان کیا تھا لیکن بی جے پی حکومت نے ابھی تک اس سلسلہ میں کوئی ٹھوس قدم نہیں اٹھائے ہیں۔ انہوں نے یوگی حکومت کی توجہ اترپردیش میں گائیوں کی حالت زار کی طرف مبذول کروائی۔
