میرٹھ: کورونا ویکسن کے سلسلہ میں تیاریوں کا آغاز

کورونا وائرس پر قابو پانے کےلیے ساری دنیا میں ویکسن کا بے صبری سے انتظار کیا جارہا ہے جبکہ بھارت میں آئندہ جنوری کے اوائل میں ہی ویکسن عوام کےلیے دستیاب رہنے کی توقع کی جارہی ہے۔

جنوری کے اوائل میں ویکسن کی تیاری کے امکان کے درمیان اترپردیش حکومت نے تیاریوں کا آغاز کردیا ہے اور اس سلسلہ میں احکامات بھی جاری کردیئے۔

یو پی حکومت نے محکمہ صحت اور ضلع انتظامیہ کے ذمہ داروں کو ٹیکہ اندازی کےلیے مناسب انتظامات کرنے کی ہدایت دی۔

اترپردیش کے ضلع میرٹھ میں بھی كورونا ویکسن کی آمد سے قبل زمینی سطح پر تیاریوں کا آغاز ہوچکا ہے۔ میرٹھ کے چیف میڈیکل افسر کے مطابق ٹیکہ اندازی کے منصوبہ پر خاکہ تیار کیا جارہا ہے تاکہ ضرورت مندوں تک ویکسن فراہم کی جاسکے۔ انہوں نے بتایا کہ سب سے پہلے ضرورت مندوں کو ویکسن دیا جائے گا۔

بھارت میں عوام بھی بے چینی سے ویکسن کا انتظار کر رہے ہیں تاہم حکومت نے بھی اس سلسلہ میں تیاریوں کا آغاز کردیا ہے۔