اترپردیش کے ضلع بلند شہر میں دس مریضوں کی رپورٹ منفی آنے کے بعد انہیں اسپتال سے چھٹی دے دی گئی۔ ضلع میں کورونا مریض تیزی سے شفایاب ہورہے ہیں۔
تازہ اطلاعا کے مطابق دس مریضوں کے صحتیاب ہونے کے بعد ضلع میں کل شفایاب ہونے والوں کی تعداد 45 تک پہنچ گئی۔
چیف میڈیکل افسر ڈاکٹر کے این تیواری نے یہاں بتایا کہ صبح میرتھ لیب سے بلند شہر ضلع اسپتال کو 19مریضوں کی رپورٹ موصول ہوئی جن میں 14کی رپورٹ منفی آئی ہے ان میں دس مریضوں کو دوسری رپورٹ منفی ملنے کے بعد انہیں اسپتال سے چھٹی دے دی گئی ہے۔
انہوں نے بتایا کہ شفایاب ہونے والے مریضوں میں دو سکندرآباد، دو بگراسی، دو جہانگیرآباد اور بلند شہر کے محلہ رادھا نگر کے رہنے والے ہیں۔ ضلع میں ابھی تک متاثرین کی تعداد 61 ہے۔
